Autoriteti i Konkurrencës në Shqipëri ka njoftuar se, në kuadër të angazhimit për mbrojtjen e konkurrencës dhe interesave të konsumatorëve, ka nisur monitorimin e menjëhershëm të çmimeve të produkteve të shportës ushqimore gjatë periudhës së festave të fundvitit.

Ky monitorim synon të evidentojë dhe ndëshkojë çdo rast të mundshëm të abuzimit me çmimet, në përputhje me ligjin “Për mbrojtjen e konkurrencës”.

Në njoftimin për media, Autoriteti siguroi qytetarët se do të ndërmarrë të gjitha masat e nevojshme për të parandaluar dhe penalizuar çdo praktikë të padrejtë tregtare që çon në rritjen artificiale të çmimeve, duke mbrojtur kështu konkurrencën e ndershme dhe interesat e konsumatorëve.

Masa të ngjashme janë marrë edhe më parë, ku në dhjetor të vitit 2022, Autoriteti gjobiti katër grosistë të miellit me një shumë prej rreth 10.6 milionë lekësh, për shkak të marrëveshjeve të fshehta që synonin fiksimin e çmimeve, duke operuar në formën e një karteli.

Autoriteti i bën thirrje qytetarëve të raportojnë çdo rast të dyshuar të abuzimit me çmimet gjatë periudhës festive, në mënyrë që të garantohet mbrojtja e konsumatorëve dhe e tregut të ndershëm. Raportimet mund të bëhen pranë Autoritetit të Konkurrencës përmes kanaleve zyrtare të komunikimit.

IN Promo Marketing

Suksesi i radhës për ‘R & Rukolli Group’: Pijet e reja depërtojnë në tregun gjerman

Intel dhe Nvidia sjellin bashkëpunimin historik: Procesorë Intel me grafikë RTX të integruar

Shërbimi i Telefonave në Zone Mobile: Tani më Lehtë, Më Shpejt dhe Më Lirë!