I lindur në Kosovë, gjenerali i ushtrisë turke, Adem Huduti është bërë temë e medieve turke pasi është arrestuar sot në Ankara për shkak se dyshohet të jetë njëri nga udhëheqësit e puçit të organizuar mbrëmë në Turqi.

Huduti është komandant i Ushtrisë së Dytë, pjesë e Këmbësorisë së Forcave të Armatosura të Turqisë, shkruan CNN Turk.

Adem Huduti kishte lindur në Kosovë në vitin 1952 – atëkohë Kosova ishte pjesë e ish Jugosllavisë – ndërsa më vonë ai dhe familja e tij kanë migruar për në Turqi.

Në vitin 1973 Huduti përfundoi  Akademinë Ushtarake. Për shumë vite ishte pjesë e forcave tokësore të NATO-s për Evropën Jugore, me ç’rast njohu nga afër krizat globale dhe regjionale.

Nga Gjeneral i Brigadës në vitin 1999, ai u promovua në Gjeneral Major në vitin 2004, pastaj Gjeneral i Përgjithshëm në vitin 2009 dhe në Gjeneral Lejtnant në vitin 2014.

Gjatë sulmeve të 11 shtatorit Huduti ishte pjesë e logjistikës së Brigadës së Forcave Tokësore, nën gardën e Shefit të Përgjithshëm të Departamentit për Planifikim.

Katër muaj pas sulmit kishte shërbyer në Afganistan, fillimi i vitit 2002, me vendosjen e trupave turke në Kabul.

IN Promo Marketing

 Eksperienca e blerjeve online arrin në Slloveni!

Rezervo sot dhe shijo fluturimet më të volitshme nga Gjeneva drejt Prishtinës

Furnizohu sot, dhuro shpresë nesër