Deputeti nga radhët e Lidhjes Demokratike të Kosovës, Adem Salihaj, ka thënë se Hashim Thaçi nuk do të mund t’i shpëtoje ndjekjes së gjykatës speciale edhe pse është zgjedhur president i vendit.

Sipas tij, Thaçi është në listën e të akuzuarve që do të dërgohen në këtë gjykatë.

“Nuk besojë  se atë do të mund ta shpëtojë ndonjë lloj imuniteti, madje as pozita e presidentit. Unë mendoj që ai do të jetë në listën e të akuzuarve. Thaçi është akuzuar publikisht në raportin e Dick Martyt”, ka thënë ai.

Këto komente Salihaj i bëri për një emision të RTV Dukagjinit, ku shtoi se Thaçi me zhdërvjelltësinë e tij do të mund t’io shpëtojë këtij gjyqi.

“Ai ndoshta prapë do të tregohet  i zhdërvjelltë dhe mund t’i dërgoj edhe shokët tjerë në burg”, ka thënë ai./Insajderi.com