Administrata Komunale në komunën e Prizrenit do të punojë edhe të shtunave për muajin korrik dhe gusht.

Sipas njoftimit të komunës është zgjatur orari i punës i Sektorit të Gjendjes Civile dhe Shërbimeve Komunale, të cilat do të punojnë edhe të shtunave nga ora 09:00 deri në 13:00.

“Qytetarë të nderuar të Komunës së Prizrenit, përveç shërbimeve online, me vendim të Kryetarit, Shaqir Totaj, është zgjatur orari i punës i Sektorit të Gjendjes Civile dhe Shërbimeve Komunale, të cilat dikastere do të punojnë edhe të shtunave nga ora 09:00 deri në orën 13:00, gjatë muajit Korrik dhe Gusht (23.07.2022 – 13.08.2022), për shkak të rritjes së vëllimit të punës pas ardhjes së bashkëatdhetarëve”

Sipas komunës, orari është zgjatur për qëllim të kryerjes së shërbimeve në mënyrë sa më efikase për qytetarët.