Numri i të vdekurve në haxh i këtij viti ka kaluar 1,000, tha një raport i AFP-së të enjten, më shumë se gjysma e tyre besimtarë të paregjistruar që kryen pelegrinazhin në vapë ekstreme në Arabinë Saudite.

Vdekjet e reja të raportuara të enjten përfshinin 58 nga Egjipti, sipas një diplomati arab i cili dha një përmbledhje që tregon se nga 658 egjiptianët që vdiqën, 630 ishin pelegrinë të paregjistruar.

Gjithsesi, rreth 10 vende kanë raportuar 1,081 vdekje gjatë pelegrinazhit vjetor, një nga pesë shtyllat e Islamit që të gjithë myslimanët që kanë mundësi ekonomike duhet ta plotësojnë të paktën një herë.

Shifrat kanë ardhur nëpërmjet deklaratave zyrtare ose nga diplomatët.

Haxhi, koha e të cilit përcaktohet nga kalendari hënor islamik, ra përsëri këtë vit gjatë verës saudite të e cila ngjason me temperaturat e furrave.

Qendra kombëtare meteorologjike raportoi një temperaturë maksimale prej 51.8 gradë Celsius këtë javë në Xhaminë e Madhe në Mekë.

Sipas një studimi saudit të publikuar muajin e kaluar, temperaturat në zonë po rriten me 0.4 gradë Celsius çdo dekadë.

Çdo vit dhjetëra mijëra pelegrinë përpiqen të kryejnë haxhin përmes kanaleve të parregullta, pasi ata nuk mund të përballojnë lejet zyrtare shpesh të kushtueshme.

Autoritetet saudite raportuan pastrimin e qindra mijëra pelegrinëve të paregjistruar nga Meka këtë muaj, por duket se shumë ende morën pjesë në ritet kryesore që filluan të premten e kaluar.