Gjatë ditës së djeshme Prindon Sadriu, bashkëshorti i presidentes Osmani ka publikuar një shkrim në të cilin gazetarët i quan përfaqësues të Ndërmarrjeve të Përbashkëta kriminale.

Krejt kjo pas publikimit të artikujve në lidhje me përfshirjen e presidentes Osmani në shpenzimet e naftës.

Ndërkaq kjo gjuhë e përdorur nga Sadriu është dënuar edhe nga Asosacioni i Gazetarëve të Kosovës, ku sipas tyre sulmi i tij shton pasiguri tek gazetarët.

“Akuzat dhe sulmet që vijnë nga bashkëshorti i Presidentes, që gjithashtu mbanë post shtetëror në MPJ shton pasigurinë e gazetarëve në Kosovë”, thuhet në reagimin e AGK-së

Postimi i plotë nga AGK-ja

AGK-ja dënon sulmet e bashkëshortit të Presidentes Osmani ndaj gazetarëve Asociacioni i Gazetarëve të Kosovës është i alarmuar me gjuhën denigruese që Zotëriu i Parë i Kosovës, Prindon Sadriu, ka përdorur ndaj gazetarëve dhe mediave në Kosovë duke i quajtur ato “ndërmarrje të përbashkëta kriminale”. “Kur përfaqësuesit e Ndërmarrjeve të Përbashkëta kriminale, ‘gazetarët’ e parapolitikës, e persona të përfshirë në reket e në keqpërdorime milionëshe, moralizojnë. Janë këta moralizues e shpifës të cilët paguanin një natë akomodim me Nju Jork $1.200 në Hotel Interconntinental Manhattan, e mëngjesin e paguanin $50 për person (drekat e darkat iu shkonin deri ne mijëra dollarë)”, ka shkruar Sadriu, të martën vonë. Akuzat dhe sulmet që vijnë nga bashkëshorti i Presidentes, që gjithashtu mbanë post shtetëror në MPJ shton pasigurinë e gazetarëve në Kosovë. Po ashtu, në ditët e fundit edhe gjuha e zëdhënësve dhe eksponentëve të tjerë të partisë në pushtet në raport me mediat ka qenë e papranueshme dhe paraqet presion direkt në punën e tyre.

IN Promo Marketing

KESCO prezanton oferta të reja për bizneset në tregun e hapur

Numërimi i ditëve ka filluar – më 3 Tetor zbulohet fituesi i madh

Meridian Express për ditëlindjen e 13-të, dhuron 10,000 € për kampanjën “Biblioteka e Fëmijëve në Pallatin e Rinisë”