Kryetari i Prishtinës, Shpend Ahmeti përmes një postimi që ka bërë në Facebook, ka kërkuar nga Ministria e Financave që të nënshkruajnë garancionin që të sjellin autobusët urbanë në Prishtinë.
I pari i Prishtinës akuzon qeverinë se po e shtyejnë me qëllim miratimin e garancionit për autobusët.
“Me 18 maj e kaluam, me 25 e derguam në qeveri për ta konfirmuar ligjshmërinë. Minsitria e Financave i ka pas 15 ditë për ta konfirmuar. Kanë kaluar 20 ditë dhe kushtin qe vetë e kanë vendos nuk po e konfirmojnë”, shkruan Ahmeti.
“Sot kishte mbledhje te qeverisë dhe garancioni nuk ishte në rend dite. Të premten është edhe një mbledhje. Nënshkruane më se e tepruat”.
Para rreth një muaji ministri i Financave, Avdullah Hoti, i premtoi kryetarit të Komunës se do ta dërgonte për miratim të garancionit për autobusët që e kishte kërkuar Komuna e Prishtinës. /Insajderi.com
Materialet e publikuara nuk mund të kopjohen ose përdoren pa lejen paraprake të redaksisë së Insajderit.
© 2016-2024 Gazeta Online Insajderi - Të gjitha të drejtat e rezervuara.
