Kryetari i Komunës së Prishtinës, Shpend Ahmeti krenohet me punën korrekte dhe të shpejtë të administratës së komunës së Prishtinës.

Këtë ndjenjë krenarie Ahmeti e ka përcjell tek ndjekësit e tij në rrjetin social Facebook, pasi ka shpërndarë një foto të aktorit të njohur kosovar nga grupi “Stupcat”, Osman Azemi, i cili përmes një postimi ka lavdëruar punën e administratës së komunës që ai drejton.

“Jam i lumtur që shof stafin e Komunës së Prishtinës në gadishmëri të plotë për të plotësuar nevojat dhe shërbimet ndaj qytetarëve”, shkruhet në postimin e anëtarit të grupit “Stupcat”.

Ahmeti kishte premtuar se do të rregullonte sistemin e marrjes së dokumenteve në kryeqytet, madje ai ka bërë edhe një sistem elektronik të arritjes deri tek dokumentacioni i nevojshëm për qytetarët. /Insajderi.com