Ahmeti reagon ndaj ministrit Abrashi: Pse po rren? – Insajderi
×
  • Lajme
  • Lajme

    Ahmeti reagon ndaj ministrit Abrashi: Pse po rren?

    Insajderi
    08 May 2017 - 20:51
    Klikoni Këtu për t'u bërë pjesë e kanalit të Insajderit në Youtube.

    Kryetari i Prishtinës, Shpend Ahmeti ka reaguar ndaj një deklarate të ministrit të Punës dhe Mirëqenies Sociale, Arban Abrashi, i cili ka thënë se nëse Demarkacioni miratohet, liberalizimi i vizave do të ndodhë brenda 90 ditëve.

    Por, deklaratën e Abrashit e ka demantuar shefja e BE-së në Kosovë, Natalya Apostolova e cila tha se nuk ka një afat të caktuar kohor për liberalizim të vizave.

    “S’ka afat të caktuar kohor, apo definitiv për liberalizimin e vizave, ne do t’ia propozojmë këshillit të shteteve anëtare, prandaj askush s’mundet të përcaktojë, cili është afati për liberalizimin e vizave. Natyrisht se anëtarët e këshillit mund të thonë jo, por e jona është që të përgatisim një rekomandim të mirë për Kosovën, pastaj është në duart e anëtarëve që të vendosin përfundimisht”, ka thënë ajo në Info Magazine.

    E ndaj këtyre deklaratave mjaft i ashpër është parë Shpend Ahmeti. Ai në rrjetin social twitter ia ka drejtuar një pyetje direkte Arban Abrashit.

    “Apostolova tha se pohimi se 90 ditë pas ratifikimit të demarkacionit liberalizohen vizat është spekulim. Pse po rreni palidhje?”, ka shkruar Ahmeti në Twitter.

    Demarkacioni sipas zyrtarëve të Qeverisë do të shkojë në Kuvend pas mocionit të iniciuar nga Nisma për Kosovën. /Insajderi.com


    OP-ED
    Nga Rubrika
    x

    © 2016-2025 Gazeta Online Insajderi - Të gjitha të drejtat e rezervuara.

    Impressum

    Kontakt

    Trademark