Kryetari i Prishtinës, Shpend Ahmeti, i cili mbrëmë së bashku me disa shqiptarë të tjerë kanë qenë cak i sulmit të huliganëvë gjatë një ndeshje futbolli në Maqedoni, ka thënë se urrejtja ndaj shqiptarëve atje është në maksimum.

“Jam i vetëdijshëm që huliganë të futbollit ka kudo në botë. Megjithatë, ajo që nuk mund të tejkalohen janë dy gjëra: 1. Urrejtja ndaj shqiptarëve është në maksimum dhe në situata të tilla shpërfaqet e pastër. 2. Përfaqësimi shqiptar në Maqedoni është në gjendje shumë të dobët”, ka thënë Ahmeti.

Ai ka rrëfyer se si ka ardhur deri tek incidenti gjatë ndeshjes që ekipi Shkëndija, i përbërë nga lojtarë shqiptar, u përball me Vardarin e Shkupit.

“Gjatë gjithë lojës këndimet e tifozëve të Vardarit ishin të llojit “shqiptarët e mirë janë shqiptarët e vdekur”. Pasi shënoi Vardari, gjërat u tensionuan edhe më shumë sepse ata e kishin të qartë që aty jemi rreth 20 shqiptarë. Kur filluan të këndojnë se të gjithë maqedonët të ngritën në këmbë e vërtetuar se ishim shqiptarë.”

“Mirëpo incidenti ndodhi kur Shkëndija shënoi golin e barazimit, ndërsa kryetari i klubit të Shkëndijës u ngrit në këmbë për të festuar. Që nga ai moment, filluan të gjuajnë gjësende në drejtim tonin, duke goditur disa nga personat që ishin aty. Policia erdhi me vonesë, dhe u mundua ti qetësojë por pa sukses. U detyruan të na nxjerrin nga ndeshja për sigurinë tonë”, ka shkruar Ahmeti në llogarinë e tij në Facebook.

Ahmeti raportohet se ka qenë i shoqëruar në stadium nga Ragip Behrami babai i futbollistit të njohur shqiptar, Valon Bahrami./Insajderi.com

IN Promo Marketing

KESCO prezanton oferta të reja për bizneset në tregun e hapur

Numërimi i ditëve ka filluar – më 3 Tetor zbulohet fituesi i madh

Meridian Express për ditëlindjen e 13-të, dhuron 10,000 € për kampanjën “Biblioteka e Fëmijëve në Pallatin e Rinisë”