Gjykata Kushtetues e Republikës së Kosovës ka gjetur se Ministria e Arsimit Shkencës dhe Teknologjisë që drejtohet nga ministrja Arbërie Nagavci ka shkelur Kushtetutën e Kosovës.

Veprimet anti-kushtetuese, kryeministri Albin Kurti, dikur i quante si veprime të kriminelëve. Në rastin konkret kështu e quajti Kurti, ish-liderin e Lidhjes Demokratike të Kosovës, Isa Mustafa.

Ishte pikërisht viti 2015 kur ai po e kundërshtonte ashpër Qeverinë Mustafa, në një video Kurti dëgjohej duke iu referuar Mustafës me një gjuhë ofenduese e tejet të rëndë.

“Ai që e shkel Kushtetutën është super kriminel, nuk ka kriminel sot më të madh nëpër burgje se Mustafa, që e ka shkel Kushtetutën e po tërhiqet. E ka kap njëfarë lakime e jashtëzakonshme në pleqëri kjo është taksirat i madh”, dëgjohet duke thënë Kurti.

Ndërkaq sot, pas 7 vitesh kur Kurti për herë të parë është ngjitur në pushtet, duket se po përballet me një problem të njejtë, dhe “kriminelja” del të jetë ministrja e tij, Arbërie Nagavci e cila drejton Ministrinë e Arsimit Shkencës dhe Teknologjisë.

Gjykata Kushtetues e Republikës së Kosovës ka gjetur se Ministria e Arsimit Shkencës dhe Teknologjisë që drejtohet nga ministrja Arbërie Nagavci ka shkelur Kushtetutën e Kosovës me vendimin e 23 prillit 2021 ku jepte direktiva për organizimin e mësimit në Komunën e Kamenicës dhe hidhte poshtë reformën e ndërmarrë nga Qëndron Kastrati./Gazeta Insajderi/

Lexo edhe: