Një aksident ka ndodhur sot mes një veture dhe një kombi, ku si pasojë janë lënduar gjashtë persona.

Rasti ka ndodhur në fshatin Drenoc të Klinës.

Në përgjigjen e policisë, thuhet se të lënduarit janë dërguar në spitalin rajonal të Pejës për tretman mjekësor.

Aksidenti ka ndodhur rreth orë 17:20.

“Sot rreth orës 17:20, Policia është informuar se në fshatin Drenoc-Klinë, ka ndodhur një aksident trafiku, në këtë aksident kanë qenë të involvuara një Kombi dhe një veturë, si pasojë e aksidentit 6 persona kanë pësuar lëndime trupore, të lënduarit janë dërguar ne Spitalin rajonal në Pejë për tretman mjekësor”, njoftoj policia.