Një aksident trafiku ka ndodhur në fshatin Shirokë të Suharekës mes dy veturave.

Lajmin për Insajderin e ka konfirmuar zëdhënësi i policisë për rajonin e Prizrenit, Shaqir Bytyqi, i cili tha se nga ky aksident ka edhe të lënduar.

“Rreth orës 13:00 jemi njoftuar për një aksident mes dy veturave në Shirokë. Përveç dëmeve materiale, nga ky aksident ka edhe të lënduar, por që aktualisht nuk e dimë numrin e saktë”, u shpreh ai.