Një aksident trafiku ka ndodhur sot në mëngjes në Prishtinë, përkatësisht në kryqëzimin që lidhë rrugën “Nazim Gafurri” dhe rrugën “Haxhi Zeka”.

Në aksident janë përfshirë një taksi dhe autobusi i Trafikut Urban.

Nga ky aksident kanë mbetur pesë persona të lënduar. Vetura e aksidentuar e taksit është larguar nga vendi i ngjarjes, ndërkaq ka mbetur vetëm autobusi urban.

Lajmin e ka konfirmuar për Insajderin zëdhënësja e Policisë së Kosovës për rajonin e Prishtinës, Flora Ahmeti.

Në konfirmim bëhet e ditur se personat e lënduar kanë pranuar trajtim mjekësor.

“Sot rreth orës 06:30 në kryqëzimin që lidhë rrugën ‘Nazim Gafurri’ dhe rrugën ‘Haxhi Zeka në Prishtinë , ka ndodhur një aksident trafiku në mes të një autobusi dhe një veture”.

“Si pasojë e aksidentit pesë persona kanë pësuar lëndime trupore. Të njëjtit kanë pranuar tretman mjekësor. Me rastin po merret njësiti i trafikut”, ka bërë të ditur Ahmeti.

IN Promo Marketing

 Eksperienca e blerjeve online arrin në Slloveni!

Rezervo sot dhe shijo fluturimet më të volitshme nga Gjeneva drejt Prishtinës

Furnizohu sot, dhuro shpresë nesër