Një person ka mbetur i lënduar pas një aksidenti që ka ndodhur sonte në rrugën magjistrale Ferizaj-Shtime, saktësisht në fshatin Koshare.

Aksidentin për Insajderin e ka konfirmuar zëdhënësi i Policisë në Ferizaj, Kanun Veseli derisa shtoi se i lënduari ka pranuar tretman mjekësor.

“Në ora 22:13 policia rajonale e Ferizajt ka pranuar një informacion se në rrugën magjistrale Ferizaj-Shtime, në fshatin Koshare është një aksident komunikacioni, e përfshirë vetëm një automjet. Një person ka marrë lëndime trupore dhe është dërguar në Qendrën Emergjente në Ferizaj. Njësia e Komunikacionit është në vendin e ngjarjes dhe po e heton rastin”, tha Veseli për Insajderin.

Duhet përkujtuar që një numër i madh i aksidenteve janë raportuar gjatë orëve të fundit në Prishtinë, si dhe në qytetet e tjera të vendit.

IN Promo Marketing

Kompleksi JONI – Jetë e qetë në zemër të “Prishtinës së Re”

VIPA sjell risi në treg: MAXI tashmë i disponueshëm me dy shije të reja

KESCO prezanton oferta të reja për bizneset në tregun e hapur