Një aksident me pasoja fatale ka ndodhur në orët e para të mëngjesit të së dielës në Ferizaj, ku një i ri 28-vjeçar ka humbur jetën.

Ngjarja e rëndë ka ndodhur rreth orës 03:00 të mëngjesit, në rrugën magjistrale Ferizaj – Prishtinë, në afërsi të fshatit Muhovc. Lajmin e ka konfirmuar zëdhënësi i Policisë për rajonin e Ferizajt, Kanun Veseli.

Sipas tij, viktima ishte duke drejtuar një veturë të tipit Fiat me targa vendore, kur për arsye që lidhen me mospërshtatjen e shpejtësisë me kushtet e rrugës, ka humbur kontrollin mbi automjetin, i cili më pas ka dalë jashtë rrugës.

Në vendngjarje kanë ndërhyrë njësitë e trafikut rajonal, autoambulanca dhe zjarrfikësit. Fatkeqësisht, ekipi mjekësor ka konstatuar vdekjen e të riut në vend.

Policia ka nisur hetimet për të sqaruar rrethanat e aksidentit, ndërsa për rastin është njoftuar edhe prokurori i shtetit.

IN Promo Marketing

Suksesi i radhës për ‘R & Rukolli Group’: Pijet e reja depërtojnë në tregun gjerman

Intel dhe Nvidia sjellin bashkëpunimin historik: Procesorë Intel me grafikë RTX të integruar

Shërbimi i Telefonave në Zone Mobile: Tani më Lehtë, Më Shpejt dhe Më Lirë!