Fshehin në vendet e panjohura zarfe me para nëpër Cyrih të Zvicrës. Aksioni është quajtur “Fati është i shtrenjtë”.

“Janë 3.400 franga të shpërndara nëpër zarfe dhe ky është vetëm fillimi”, kanë thënë iniciatorët.

Aktivistët, të cilët dëshirojnë të mbeten anonimë, kanë treguar për idenë e tyre.

“Ne duam të tregojmë se paraja është diçka që jo vetëm mund ta grumbullojmë, por edhe ta shpërndajmë”, kanë thënë ata.

Paratë vijnë nga kreu i një grupi prej rreth 15 njerëzve që kanë punuar për vite në investimet bankare dhe menaxhim, shkruan “Blick”.

“Ai ka financuar aksionin nga xhepi”, shkruajnë nismëtarët anonimë, përcjell albinfo.ch.

“Për të bërë një ndryshim, dikush duhet të bëjë një ndryshim me njerëzit”, thonë ata.