Gazeta Insajderi dje ka raportuar lidhur me aksionin e Doganës së Kosovës në rajonin e Prizrenit. Më saktësisht kishte vënë në cak kontrolli argjendaritë e Prizrenit.

Janë kontrolluar gjashtë artari.

Dogana e Kosovës sot ka dal me njoftim, duke njoftuar se janë konfiskuar afër gjysmë milionë euro mallra të kontrabanduara.

“Zyrtarët e Doganës së Kosovës dhe Administratës Tatimore të Kosovës kanë kryer një operacion të përbashkët kontrolli në pesë argjendari në qytetin e Prizrenit. Ky operacion u fokusua në identifikimin e mallrave pa prejardhje të dokumentuar në kuadër të përpjekjeve për të luftuar kontrabandën dhe tregtinë e paligjshme.”

Dogana ka listuar se çka u konfiskua nga ky operacion:

• 10 kg ari pa dokumentacion të rregullt.

• 3 kg argjend pa dokumentacion të rregullt.

• Vlera totale e këtyre mallrave të konfiskuara arrin rreth 450,000.00 euro.