Policia e Kosovës ka njoftuar se gjatë një operacioni me inspektorët kanë mbyllur 44 sallone të masazheve nga 53 sallone që u inspektuan.

Në njoftimin e policisë, thuhet se janë shqiptuar gjoba për parregullsitë e evidentuara.

Gjatë operacionit policia ka hasur gjithsej në 145 punëtorë në këto qendra të masazheve. Prej tyre, 116 femra dhe 29 meshkuj.

“Me datë 07.12.2022, Plani  Operativ i koduar “Masazh- Dhjetori -2022”, është realizuar në nivel
vendi dhe ka përfunduar me sukses të plotë. Lokale të Inspektuara (53) gjithsej. Prej tyre 44 lokale janë mbyllur nga  Inspektorët,  si dhe janë shqiptuar   gjoba  për parregullsitë e evidentuara”, thuhet në njoftimin e policisë.