Sot në orët e para të mëngjesin Policia e Kosovës ka vazhduar me një aksion të ri në Karaçevë.

Institucionet e sigurisë njoftojnë se janë duke u ekzekutuar urdhërkontrolle në rajone të ndryshme të Kosovës.

Aksioni i sotëm është vazhdimësi i atij që kishte nisur më 18 shtator, në Karaçevë të Kamenicës.

“Prokuroria Themelore në Gjilan, ju njofton se në orët e para të mëngjesit të 01 Tetorit 2020, zyrtarët e agjencive të zbatimit të ligjit nga Policia e Kosovës, Inspektorati Policor i Kosovës dhe agjencitë e tjera bashkëpunuese, janë duke ekzekutuar urdhërkontrolle në rajone të ndryshme të Kosovës. Ky aksion është vazhdimësi e operacionit të zhvilluar më 18 Shtator 2020, në zonën e Karaçevës dhe rajone tjera të Kosovës, për shkak të dyshimit të përfshirjes në veprimtari kriminale”, thuhet në njofimin e Prokurorisë.