Aktivisti i Lëvizjes Vetëvendosje, Besnik Zeqiraj, është dënuar sot nga Gjykata Themelore në Pejë me 6 muaj burg.

Sipas një njoftimi të Lëvizjes Vetëvendosje, Zeqiraj akuzohet se në dhjetorin e vitit 2015 i ka vënë zjarrin një makine të Gjykatës për Kundërvajtje së bashku me një person tjetër.

Për këtë rast Zeqiraj më herët kishte mbajtur 3 muaj burg si dhe 1 muaj arrest shtëpiak.

Ndërkaq, Lëvizja Vetëvendosje e ka quajtur të pabazuar në prova dhe fakte, dënimin e dhënë për aktivistin e saj.

“Dënimi i aktivistit Zeqiraj është i pabazuar, rrjedhimisht i padrejtë e i papranueshëm. Ai do të vuajë edhe 2 muaj burg për një vepër të cilën nuk e ka kryer asnjëherë, dhe e cila i ngarkohet pa asnjë provë dokumentuese”, thuhet në njoftimin e VV-së. /Insajderi.com