Pas rezistencës së militantëve serbë, me përpjekje të mos lejojnë organizimin e zgjedhjeve komunale në Zubin Potok, anëtarët e Komisionit Komunal Zgjedhor në Zubin Potok, të shoqëruar nga policia e Kosovës, megjithatë kanë hyrë në objektin e Komunës së Zubin Potokut, dhe për këtë shkak janë aktivizuar sirenat në gjithë qytetin.
Sipas portalit kosovar serb, “Kosovo Online”, në qytet janë dëgjuar dy shpërthime, ndërsa nga ndërtesa komunale kanë dalë anëtarë të Komisionit Komunal dhe pjesëtarë të Policisë së Kosovës.
Gjithnjë sipas raportimi të këtij portali, anëtarët e komisionit komunal zgjedhor, me asistencën e policisë, kanë hyrë “me forcë në hapësirat e Komunës”, kanë thyer dyert dhe kanë ndërruar bravat, para se të dalin nga ndërtesa.
Materialet e publikuara nuk mund të kopjohen ose përdoren pa lejen paraprake të redaksisë së Insajderit.
© 2016-2024 Gazeta Online Insajderi - Të gjitha të drejtat e rezervuara.
