Tash e tre muaj, aktorët e teatrit të Prizrenit “Bekim Fehmiu” janë pa paga.

Kjo sepse, në këtë teatër nuk është zhvilluar asnjë aktivitet dramatik. Aktorët të irrituar me këtë problem thonë se nuk janë shërbyes civilë dhe se mjetet për pagesën e aktorëve vijnë nga zbatimi i projektit kapital “Realizimi i politikave zhvillimore për kulturë”, për të cilin paraprakisht duhet të përmbyllen procedurat e prokurimit.

Drejtori i Kulturës në këtë komunë, Ehat Oreshka i ka thënë Insajderit se tenderimi për projekte teatrale përfundon me 24 prill.

“Në fund të këtij muaji duhet të përfundojnë proceduar dhe pastaj dalin mjetet për projekte” – ka thënë Oreshka.

Ata kanë thënë se kryetari i komunës, Mytaher Haskuka është takuar me aktorët dhe janë sqaruar mosmarrëveshjet.

“Aktorët do të fillojnë së shpejti realizimin e projekteve për vitin 2019 që do të miratohet nga Këshilli Drejtues i TP Bekim Fehmiu.” – ka përfunduar Oreshka.

IN Promo Marketing

 Eksperienca e blerjeve online arrin në Slloveni!

Rezervo sot dhe shijo fluturimet më të volitshme nga Gjeneva drejt Prishtinës

Furnizohu sot, dhuro shpresë nesër