Një alarm për bombë në një shkollë ka ngritur në këmbë policinë e kryeqytetit mesditën e së premtes

Sipas raportimeve paraprake, alarmi për bombë është dhënë përmes një mesazhi me email, gjë që ka detyruar mësuesit të nxjerrin nxënësit jashtë.

Në mesazhin e shkruar në anglisht thuhej se në ambientet e shkollës ishte vendosur një bombë, e cila do të shpërthente për 43 minuta.

Shërbimet e Policisë dhe Njësia Antieksploziv kanë shkuar menjëherë në vendngjarje ku kanë bërë evakuimin e nxënësve dhe stafit të shkollës.

Ndërkohë, që Shërbimet e Policisë, strukturat e Antiterrorit në bashkëpunim me specialistët për Hetimin e Krimit Kibernetik po punojnë për sqarimin e rrethanave dhe identifikimin e dërguesve të këtij e-maili kërcënues në drejtim të shkollës, raporton A2CNN.

Gjithashtu, një mesazh iu është dërguar dhe prindërve në lidhje me këtë kërcënim nga ana e zyrtarëve të shkollës.

“Ju informojmë se në shkollë është dërguar një email dhe duhet që nxënësit të largohen për në shtëpi. Po bashkëpunojmë me policinë. Nuk ka panik dhe të gjithë fëmijët janë shumë mirë! Transporti i fëmijëve do të jetë me furgon ose nga ana e prindërve nëse ka mundësi. Do mbetemi në kontakt”.

IN Promo Marketing

Pijet Tona, Shija Juaj!

Udhëto nga Baseli drejt Prishtinës, përfitoni nga ofertat speciale!

Suksesi i radhës për ‘R & Rukolli Group’: Pijet e reja depërtojnë në tregun gjerman