Eksperti Ervin Resuli, ka alarmuar se mandarinat nga Shqipëria janë të rrezikshme.

Sipas tij ato përmbajnë mbetje pesticidesh që janë të ndaluara në BE.

“Gjatë periudhës 29 nëntor – 11 dhjetor 2024, sistemi europian i sigurisë ushqimore RASFF ka raportuar tre raste të ndotjes me mbetje të pesticideve Chlorpyrifos dhe Phosmet në ngarkesa mandarinash me origjinë nga Shqipëria. Këto substanca janë të rrezikshme për shëndetin e njeriut dhe të ndaluara në Bashkimin Europian për shkak të dëmeve të tyre afatgjata“, tha ai.

Ai ka edhe identifikuar edhe rastet që janë zbuluar.

“29 nëntor 2024 – Chlorpyrifos në mandarina. Ngarkesa është zbuluar në Kroaci.

11 dhjetor 2024 – Phosmet në mandarina. Ngarkesa është identifikuar në Kroaci.

11 dhjetor 2024 – Chlorpyrifos në mandarina. Ngarkesa është raportuar nga Kroacia me ndalesë të mëtejshme në Itali dhe Republikën Çeke.

Të gjitha këto raste janë EC-validated, që do të thotë se janë verifikuar si të sakta dhe përmbajnë mbetje të larta të këtyre pesticideve”, shkroi ai.

Ai ka sqaruar se Chlorpyrifos-ethyl është një pesticid që ndikon në zhvillimin e trurit tek fëmijët, veçanërisht në fazat e hershme të jetës. Shkakton dëmtime të sistemit nervor dhe çrregullime të sistemit endokrin. Rrit rrezikun për sëmundje kardiovaskulare dhe kancer.