Kryetari aktual dhe njëherësh kandidati i Lëvizjes Vetëvendosje për kryetar të Komunës së Gjilanit, Alban Hyseni, ka ushtruar të drejtën e votës së bashku me bashkëshorten e tij.
Pas votimit, Hyseni uroi për një proces zgjedhor të qetë dhe demokratik, duke theksuar rëndësinë e pjesëmarrjes qytetare.
“Përmes jush dua t’i uroj të gjithë qytetarët e Kosovës, e në veçanti qytetarët e Gjilanit, që ky proces zgjedhor të jetë i mbarë, i rregullt dhe mbi të gjitha demokratik. Uroj që sa më shumë qytetarë të dalin për të shprehur vullnetin e tyre dhe, përmes votës, të kontribuojnë në ndërtimin e së ardhmes së qytetit tonë,” deklaroi Hyseni.
Materialet e publikuara nuk mund të kopjohen ose përdoren pa lejen paraprake të redaksisë së Insajderit.
© 2016-2025 Gazeta Online Insajderi - Të gjitha të drejtat e rezervuara.
