Kryetari i Komunës së Gjilanit, Alban Hyseni, ka zhvilluar sot një vizitë në fabrikën “Euro Model”, ku është pritur nga pronari Rufat Dushica dhe ekipi i tij.
Hyseni tha se fabrika, e cila punëson mbi 40 punëtorë dhe prodhon karrika, tavolina e mobilje të tjera me cilësi të lartë, është shembull i sipërmarrjes vendore që kontribuon në zhvillimin ekonomik të komunës.
“Është kënaqësi të shohim nga afër punën e jashtëzakonshme që po bëhet në këtë fabrikë. Ky është një model se si bizneset vendore krijojnë vende pune dhe ndihmojnë ekonominë tonë lokale”, u shpreh ai.
Materialet e publikuara nuk mund të kopjohen ose përdoren pa lejen paraprake të redaksisë së Insajderit.
© 2016-2025 Gazeta Online Insajderi - Të gjitha të drejtat e rezervuara.
