Në kuadër të Panairit të Librit që po mbahet në Pallatin e Rinisë në Prishtinë, më 12 qershor në ora 18:00, do të zhvillohet një panel i veçantë kushtuar artit të përkthimit.

Nën titullin “Të përkthesh do të thotë të krijosh sërish – këtë herë shqip”, ngjarja synon të sjellë në vëmendje rolin e përkthyesve në pasurimin e letërsisë shqipe.

Në këtë bisedë të hapur do të marrin pjesë disa nga emrat më të njohur të përkthimit letrar: Ag Apolloni, Ana Kove, Sokol Çunga, Granit Zela dhe Primo Shllaku. Paneli do të moderohet nga poetja dhe botuesja Rita Petro.

Të pranishmit do të kenë mundësinë të dëgjojnë rrëfimet e përkthyesve mbi sfidat që hasin në përkthimin e veprave klasike dhe bashkëkohore, për zgjedhjet gjuhësore, dilemën e çdo fjale, si dhe për dashurinë që i shtyn të rizbulojnë tekstet në një gjuhë tjetër – shqipen.

Ngjarja organizohet në kuadër të 25-vjetorit të shtëpisë botuese ALBAS, një emër i njohur për përkthimin, botimin dhe kujdesin për fjalën e shkruar në gjuhën shqipe.

IN Promo Marketing

Suksesi i radhës për ‘R & Rukolli Group’: Pijet e reja depërtojnë në tregun gjerman

Intel dhe Nvidia sjellin bashkëpunimin historik: Procesorë Intel me grafikë RTX të integruar

Shërbimi i Telefonave në Zone Mobile: Tani më Lehtë, Më Shpejt dhe Më Lirë!