Deputeti i Lëvizjes Vetëvendosje, Albin Kurti, ka thënë se ndoshta Kosova do të ishte më mirë ta përdor si monedhë shtetërore lekun, sesa euron që e përdor tani.
Kurti në një intervistë për portalin francez, Politique-internationnale pohon se Kosova përkundër se e përdor, nuk ka asnjë zotërim në raport me euron.
“Duhet të jemi të vetëdijshëm se Bashkimi Europian mundet të na e pezullojë në çdo moment të drejtën për ta përdorur euron. Sigurisht se kjo është një hipotezë pak e mundshme, por duhet ta kemi në mendje, sepse nuk kemi asnjë zotërim mbi këtë monedhë… Ndoshta do të ishte më e matur, më e sigurt, ta përdorim lekun shqiptar”, ka thënë Kurti.
Kurti po ashtu ka folur edhe për situatën politike në Kosovë, derisa ka thënë se partia në të cilën ai bën pjesë, Vetëvendosje, është partia e dytë më e fuqishme në vend, pas PDK-së. /Insajderi.com
Materialet e publikuara nuk mund të kopjohen ose përdoren pa lejen paraprake të redaksisë së Insajderit.
© 2016-2025 Gazeta Online Insajderi - Të gjitha të drejtat e rezervuara.
