Pas tensioneve në veri të vendit sot u mblodh Këshilli i Sigurisë.

Pas mbledhjes së Këshillit të Sigurisë, kryeministri Albin Kurti dhe Ministri i Punëve të Brendshme, Xhelal Sveçla, po mbajnë konferencë për media.

Kryeministri Kurti tha se Serbia nuk po e fsheh se po kërkon rikthimin në Kosovë.

Sipas tij, në esencë Serbia po kërkon luftë.

“Serbia nuk po e fsheh se po kërkon rikthim në Kosovë, në esencë po kërkon luftën që e humbi dhe kapitullimin e pranoi asokohe në Kumanovë, qershor 1999. Mohimi i shtetit tonë dhe pavarësisë tonë nga ana e Serbisë përbën kërcënim të vazhdueshëm për shtetin tonë” – tha Kurti.

Tutje, Kurti tha se Qeveria e Kosovës është e interesuar për bashkëpunim me serbët.

“Qeveria e Kosovës është e interesuar për bashkëpunim me serbet. Ne jemi qeveria me demokratike dhe progresiste. Duam që serbet të marrin pozitën që ju takon” – tha ai.