Teuta Fazliu, militante e VV-së është ‘shpërblyer’ me një pozitë të rëndësishme në Ministrinë e Administrimit të Pushtetit Lokal. Fazliu ka dal e para në testin me shkrim në një konkurs në këtë dikaster.

Gazeta Insajderi

Ministria që udhëhiqet nga Elbert Krasniqi, dje (28.05.2025) ka publikuar rezultatet e konkursit për pozitën “Udhëheqës i Divizionit për Hulumtim dhe Analiza në Nivel Lokal”.

Sipas dokumentit që ka siguruar Gazeta Insajderi, del se testin me shkrim e ka kaluar Teuta Fazliu.

Ndonëse kushtet për t’i hyrë garës i kishin plotësuar 16 kandidatë, ishte militantja e VV-së ajo që doli e para.

Kush është Teuta Fazliu?

Teuta Fazliu në zgjedhjet e vitit 2019, ia kishte mësyer ulëses se Kuvendit. Por, pa sukses, ajo kishte marrë vetëm 1,301 vota.

Fazliu në atëkohë e kishte vlerësuar lartë kryeministrin Kurti.

Ajo e kishte cilësuar atë si shpresë të gjithë shqiptarëve.

“Ti je shpresa ime dhe e gjithë shqiptarëve kudo që ndodhen për ndryshimin e këtij vendi. Faleminderit që je në mesin tonë“, kishte shkruar ajo në një postim në vitin 2019.

E njëjta vazhdon të jetë militante e VV-së. Një gjë e tillë mund të vërehet nga profili i saj në “Facebook”.

Por, ky nuk është punësimi i vetëm i bërë nga ministria e dorëhequr.

Gazeta Insajderi dje raportoi për një punësim tjetër në MAPL

Në Ministrinë e Administratës dhe Pushtetit Lokal, është punësuar këshilltari i ministrit Elbert Krasniqi.

Sipas dokumentit që ka publikuar Insajderi, Arianit Abazi, është pranuar në pozitën Udhëheqës i Divizionit për Partneritet dhe Qeverisje të hapur.

Vendimi është marrë me 22 maj 2025.

IN Promo Marketing

Suksesi i radhës për ‘R & Rukolli Group’: Pijet e reja depërtojnë në tregun gjerman

Intel dhe Nvidia sjellin bashkëpunimin historik: Procesorë Intel me grafikë RTX të integruar

Shërbimi i Telefonave në Zone Mobile: Tani më Lehtë, Më Shpejt dhe Më Lirë!