Pluhuri i verdhë ka filluar të përhapet kudo, duke sjellë me vete teshtitje të përsëritura, kollë të thatë dhe kruajtje teksa depërton në zgavrën e hundës dhe fillon reaksione inflamatore.

Meqenëse nuk ka një kurë përfundimtare për alergjitë, qëllimi ynë kryesor është të lehtësojmë simptomat shqetësuese.

Filloni luftën kundër alergjive nga kuzhina duke shtuar ushqimet e mëposhtme në programin tuaj ditor.

Molla

Molla përmban kuercetinë (balanoketone), një flavonoid që mbron nga alergjitë dhe astma, pasi ka efekte anti-inflamatore dhe antihistaminike. Polifenolet e mollës janë veçanërisht efektive në trajtimin e simptomave të rinitit alergjik.

Brokoli

Përveç kuercetinës, brokoli përmban edhe sulforafan, një përbërës me efekt të fortë anti-inflamator. Sulforafani është një antioksidant dhe në këtë mënyrë lufton inflamacionin në traktin respirator, i cili është përgjegjës për shfaqjen e astmës, alergjive dhe sëmundjeve kronike obstruktive pulmonare.

Salmoni

Peshqit e yndyrshëm si salmoni janë të pasur me acide yndyrore omega-3, të cilat luftojnë inflamacionin. Në veçanti, ato neutralizojnë efektin e acideve yndyrore Ω-6, të cilat luajnë një rol në shfaqjen e inflamacionit.

Hudhra

Hudhra përmban kuercetinë dhe në të njëjtën kohë forcon sistemin imunitar në mënyrë që trupi t’i rezistojë më fort alergjenëve.

Arrat

Lëndët ushqyese në arra, kryesisht yndyrnat e dobishme që na ofrojnë, shtypin inflamacionin në indet e zgavrës së hundës dhe të fytit.

Kosi

Probiotikët në kos mund të kufizojnë reaksionin alergjik ndaj polenit. Këto baktere të dobishme forcojnë funksionin gastrointestinal dhe imunitar dhe në të njëjtën kohë shtypin reagimin e trupit ndaj alergeneve.