Një nga avantazhet e teknologjive të reja, kompjuterëve dhe internetit, me orar fleksibil është edhe puna në shtëpi.

Nuk keni për të humbur kohë duke udhëtuar për në punë, nuk duhet të shpenzoni para për transport dhe ushqim të shpejtë, dhe ju jeni në gjendje të koncentroheni më mirë. Ndërsa për të punuar në “Amazon”, kjo duket të jetë një ëndërr.

Kompania tha se ka në plan të punësojë 5 mijë persona që do të punojnë nga shtëpia, për të ofruar shërbime për konsumatorët. Shumica e punëtorëve do të kenë sigurim shëndetësor, pushim mjekësor dhe pushime vjetore.

Ajo që është veçanërisht tërheqëse në këtë punë është se do të ketë dhe disa “përfitime”. Nëse ju punoni më shumë se 20 orë në javë në Amazon do të përfitoni “sigurimin e jetës dhe shëndetit ” dhe ka një program “Karriera Choice” në kuadër të kompanisë që mbulon 95 për qind të shkollimit për çdo lëndë, nëse ato janë të lidhura me karrierën tuaj të ardhshme në Amazon, shkruan albinfo.

Amazon thotë se këtë vit do të punësojë edhe 25,000 punonjës me orar të shkurtuar (honorar), dhe 100 mijë njerëz tjerë të rinj të cilët do të punojnë me orar të plotë, të gjithë për një vit e gjysmë.

Në një deklaratë që është lëshuar kompania nuk përmendet se çfarë do të jenë pagat e atyre që punojnë nga shtëpia, por lista nacionale e pagave për ata që punojnë nga shtëpia, thotë se janë 10 dollarë në orë.