Sot ZRRE-ja licensoi “Elektroserver”-in që të operojë në katër komunat me shumicë serbe në veri të vendit.

Për këtë ka reaguar edhe ambasadori i Britanisë së Madhe në Kosovë, Nicholas Abbott, i cili ka përgëzuar këtë vendim.

Ai ka thënë se dakordimi për Udhërrëfyesin për zbatimin e Marrëveshjes të Energjisë është një hap përpara.

“Kënaqësi e madhe kur dëgjova se Bordi i ZRRE-së tani ka lëshuar licencën për ‘Elektrosever’-in për të operuar në katër komunat veriore të Kosovës. Miratimi i Udhërrëfyesit për Zbatimin e Marrëveshjeve të Energjisë nga Kosova dhe Serbia ishte një hap i mirëpritur përpara dhe një shembull i mirë se çfarë mund të bëhet me angazhim fleksibël dhe konstruktiv. Pres me padurim vazhdimin e zbatimit të shpejtë dhe përparimin e mëtejshëm në dialogun e lehtësuar nga BE-ja”, shkroi ai në rrjetin social Facebook.

IN Promo Marketing

Kompleksi JONI – Jetë e qetë në zemër të “Prishtinës së Re”

VIPA sjell risi në treg: MAXI tashmë i disponueshëm me dy shije të reja

KESCO prezanton oferta të reja për bizneset në tregun e hapur