Ambasadori amerikan në Kosovë, Greg Delawie, është parë duke dalë nga ndërtesa e Kuvendit të Kosovë, ku ka zhvilluar takim me deputetët e LDK-së, në të cilin ka marrë pjesë edhe kreu i saj, njëherësh kryeministër i vendit, Isa Mustafa.

Duke u larguar nga ndërtesa është parë edhe shefja e Zyrës së Bashkimit Evropian në Kosovë, Nataliya Apostolova.

Një takim i ngjashëm mund të ndodh edhe me deputetët e PDK-së në orën e mbrëmjes. Të paktën, kështu i ka paralajmëruar kjo parti deputetët e vet./Insajderi.com