Ambasadori i Gjermanisë në Prishtinë, Jorn Rohde është pajtuar plotësisht me qëndrimet e zyrtarit të lartë të DASH-it, Derek Chollet se është koha e fundit që të krijohet Asociacioni në përputhje me Kushtetutën.

Përmes një postimi në Twitter, Rohde ka thënë se ende s’ka ndonjë propozim nga ana e Kosovës për këtë gjë.

“Plotësisht dakord me Chollet se është koha e fundit që të gjitha marrëveshjet e Brukselit të zbatohen me shpejtësi, duke përfshirë krijimin e ASM në përputhje me kushtetutën. Një propozim i Kosovës ende nuk është aty”, ka shkruar Rohde.

Ai tutje ka thënë se largimi i serbëve nga institucionet nuk është në përputhje me marrëveshjet e Brukselit dhe ka bërë thirrje për kthim të menjëhershëm.

Rohde ka thënë se Washingtoni dhe Brukseli janë plotësisht në linjë për këto çështje

Fully agree with @CounselorDOS Chollet that it is high time for all Brussels‘ agreements to be implemented swiftly, including establishing ASM in line with 🇽🇰 constitution. A Kosovan proposal is still not there. 1/2 https://t.co/1yHbB6xmU6

— Ambassador Jörn Rohde (@GermanAmbKOS) January 12, 2023