Ambasadori gjerman në Kosovë, Jorn Rohde së bashku me ambasadoren e Francës në Kosovë ,Marie-Christine Butel, gjatë të dielës kanë vizituar pikën kufitare në Merdare.

Ambasadori Rohde në llogarinë e tij në Twitter ka shkruar se ka vërejtur një bashkëpunim të mirë mes autoriteteve të Kosovës dhe të Serbisë për t’ua mundësuar votuesve serb të shkojnë për të votuar atje.

“Së bashku me Ambasadoren e Francës në Kosovë vizituam pikën kufitare në Merdare. Ne atje pamë një bashkëpunim nga të dyja anët. Po ashtu Kosova kishte vepruar siç kishte premtuar duke rritur personelin në pikat përkatëse kufitare duke mundësuar që në mënyrë të qetë votuesit të shkojnë të votojnë atje”, ka shkruar Rohde.

Visited Merdare border crossing with Ambassador Butel @FranceauKosovo. We observed good cooperation: 4 lanes operational on both sides. I hear 🇽🇰has increased -as promised- staff at relevant border points. 👍 for enabling smooth border crossings so eligible voters can vote 🗳 pic.twitter.com/rj87fKasHM

— Ambassador Jörn Rohde (@GermanAmbKOS) April 3, 2022

Ndërkaq gjatë mëngjesit të së dielës shumë serb nga Kosova kishin udhëtuar më autobusë për në Serbi, atje ku po votohet për ta zgjedhur Presidentin dhe Parlamentin.

Kujtojmë se liderët e Serbisë kishin kërkuar që këto zgjedhje të organizohen edhe në Kosovë, në mënyrë që serbët të mund të votojnë nga vendbanimet e tyre në territorin e Kosovës, por një gjë e tillë nuk është lejuar nga Qeveria e Kosovës edhe pas insistimit të shteteve të QUINIT-it që një gjë e tillë të ndodhte.

IN Promo Marketing

Kompleksi JONI – Jetë e qetë në zemër të “Prishtinës së Re”

VIPA sjell risi në treg: MAXI tashmë i disponueshëm me dy shije të reja

KESCO prezanton oferta të reja për bizneset në tregun e hapur