×
  • Lajme
  • Insajderi

    Ambasadori Kosnett kritikon Hotin: Shuarja e Task Forcës vendim i gabuar

    Insajderi
    27 October 2020 - 21:01

    Ambasadori i Shteteve të Bashkuara në Kosovë, Philip Kosnett ka ka thënë se vendimi i qeverisë për të shuar task-forcën kundër korrupsionit ka qenë i gabuar.

    “Mendoj se ka qenë vendim i gabuar pasi task-forca kundër korrupsionit ka qenë shumë efektive. Nëse do të modifikohej kjo task-forcë do të ishte diçka normale”, tha Kosnett.

    Ambasadori i Shteteve të Bashkuara në Kosovë thotë se edhe shkarkimi i disa drejtorëve të institucioneve ka krijuar percepsionin te popullata se është bërë për shkaqe politike.

    Kosnett nuk ka dashur të përgjigjet nëse pas vjedhjes së dy milionë euro dikush është dashur të japë dorëheqje.

    “Qytetarët e Kosovës meritojnë të shohin një hetim serioz për këtë rast. Nuk është puna ime që të them se duhet të shkarkohet dikush…Njerëzit duhet të japin llogari për gabimet e tyre dhe gabimet që ndodhin në institucionet e tyre”, tha ai në RTV Dukagjini.

    Ambasadori i Shteteve të Bashkuara në Kosovë thotë se korruspioni dhe nepotizmi janë ndër problemet më të mëdha që përballet Kosova.  /Insajderi.org

    Klikoni Këtu për t'u bërë pjesë e kanalit zyrtar të Gazetës Insajderi në Viber.
    OP-ED
    Nga Rubrika

    © 2016-2024 Gazeta Online Insajderi - Të gjitha të drejtat e rezervuara.

    Impressum

    Kontakt

    Trademark