Qeveria e SHBA-ve u bëri thirrje të gjitha palëve në Turqi që ta mbështesin qeverinë e zgjedhur në mënyrë demokratike, raporton Anadolu Agency, transmeton Insajderi.
Në deklaratën nga Shtëpia e Bardhë, bëhet e ditur se presidenti amerikan Barack Obama ka zhvilluar bisedë telefonike me Sekretarin Amerikan të Shteti John Kerry në lidhje me zhvillimet në Turqi.
“Presidenti i SHBA-ve dhe Sekretari i Shtetit janë të mendimit të njëjtë që të gjitha palët në Turqi ta mbështesin qeverinë e zgjedhur në mënyrë demokratike, të tregojnë qetësi dhe të qëndrojnë larg çdo dhune dhe gjakderdhjeje”, thuhet në reagimin e shtëpisë së bardhë.
Sipas deklaratës së SHBA-së, edhe presidenti edhe sekretari i shtetit amerikan kanë rënë dakord që të mbështesin qeverinë aktuale të Turqisë.
“Sekretari Kerry theksoi se Departamenti i Shtetit do të vazhdojë të fokusohet në sigurinë e shtetasve amerikanë në Turqi. Presidenti kërkoi nga Sekretari Kerry që të vazhdojë ta informojë në lidhje me zhvillimet”, thuhet në deklaratë. /Insajderi.com
Materialet e publikuara nuk mund të kopjohen ose përdoren pa lejen paraprake të redaksisë së Insajderit.
© 2016-2025 Gazeta Online Insajderi - Të gjitha të drejtat e rezervuara.
