Montana është bërë shteti i parë i cili e ka ndaluar aplikacionin kinez TikTok.

Guvernatori i Montanas, Greg Gianforte i cili e ka nënshkruar këtë ligj, tha se është bërë për të mbrojtur të dhënat personale të banorëve.

“Për të mbrojtur banorët e Montanas, të dhënat personale dhe private nga Partia Komuniste Kineze, e kam ndaluar TikTok-un në Montana” tha ai.

Ky ligj i ri  ua ndalon kompanive ofrimin e këtij aplikacioni nga 1 janari i vitit të ardhshëm, si dhe e parandalon TikTok-un nga operimi si biznes në shtet.

 Ofruesit e aplikacionit do të duhet të paguajnë gjobë prej 10.000 dollarëve, për secilën ditë që platforma është e qasshme pas fuqizimit të ligjit.