Kryeministrja italiane, Giorgia Meloni ka bërë thirrje që flota ndërkombëtare e anijes, e cila po përpiqet të dërgojë ndihma humanitare në Gaza, të ndalojë menjëherë misionin e saj.

Ajo paralajmëroi se vazhdimi i konfrontimit me Izraelin mund të prishë “ekuilibrin delikat” aktual që mund të çojë në paqe, bazuar në planin e presidentit amerikan, Donald Trump.

“Shumë do të ishin të lumtur nëse ky plan pengohej. Kam frikë se përpjekja e anijes për të thyer bllokadën detare izraelite mund të shfrytëzohet si justifikim për këtë. Për këtë arsye, besoj se anija duhet të ndalojë tani”, shtoi ajo.

Italianët do të ndjekin anijen derisa ajo të jetë larg bregut të Gazës për 278 kilometra, raporton reuters.

Anija ka njoftuar se Italia i ka komunikuar sot se fregata që e ndjek do t’i kontaktojë së shpejti me radio dhe do t’u ofrojë anëtarëve të saj mundësinë për të lënë anijen dhe për t’u kthyer në breg para se të arrijnë në “zonën kritike”.

Flota Global Sumud ka deklaruar se mbi 40 anije civile, ku përfshihen parlamentarë, avokatë dhe aktivistë, përfshirë aktivisten suedeze për klimën, Greta Thunberg, do të vazhdojnë lundrimin për të thyer bllokadën izraelite të enklavës palestineze.

Ministria italiane e Mbrojtjes ka njoftuar më parë sot se marina italiane do të ndalojë ndjekjen e flotës ndërkombëtare kur ajo të jetë larg bregut të Gazës për 278 kilometra, pra 150 milje detare.

IN Promo Marketing

Meridian Express për ditëlindjen e 13-të, dhuron 10,000 € për kampanjën “Biblioteka e Fëmijëve në Pallatin e Rinisë”

Pijet Tona, Shija Juaj!

Udhëto nga Baseli drejt Prishtinës, përfitoni nga ofertat speciale!