Kandidati i Lidhjes Demokratike të Kosovës, për kryetar të Prizrenit, qëndroi sot në fshatin Korishë, ku u prit nga qytetarët e kësaj ane.

Me këtë rast, Quni u zotua se gjatë mandatit të tij qeverisës do të përfundoj rregullimin e shtratit të lumit të fshatit, pastaj rregullimin e rrugës Korishë- Grikoc, zgjerimin e rrjetit të kanalizimit për biznese e familje që nuk janë të kyçura si dhe rregullimin e rrugës për Kabash e shtratin e Përroit te lagjja e “Zekajve”.

Në fund, tha se, së bashku do ti ndëshkojmë me votë, ata që nuk punuan asgjë dhe se do ta bëjnë ndryshimin pozitiv për të mirën e përgjithshme.