Një gjykatë Amerikane urdhëroi Apple të paguajë 506 milion dollar për shkeljen e një patente të Universitetit të Wisconsin duke dyfishuar gjobën e dhënë më parë.
Dyfishimi i gjobës me 272 milion dollar të tjera erdhi pasi Apple vijonte të shkelte patentën e teknologjisë së procesorit.
Universiteti paditi në gjykatë Apple në 2014-ën për shkelje të një patente në procesorët e saj me disa versione të iPhone.
Teknologjia e zhvilluar nga Universiteti i Wisconsin përmirësonte performancën e procesorëve.
Patenta është licencuar në 1998-ën nga profesori i Universitetit Gurindar Sohi dhe tre studentë të tij.
Apple mohoi akuzat duke thënë se ishin të pavlefshme. Kompania kishte kërkuar nga Zyra Amerikane e Patentave të rishikonte vlefshmërinë e saj një kërkesë e cila ishte refuzuar.
Materialet e publikuara nuk mund të kopjohen ose përdoren pa lejen paraprake të redaksisë së Insajderit.
© 2016-2025 Gazeta Online Insajderi - Të gjitha të drejtat e rezervuara.
