Dhoma e Posaçme e Gjykatës Supreme të Kosovës  ka nxjerrë aktvendim për përmbylljen e procesit të likuidimit të Kooperativës Bujqësore “Xhafa” në Ferizaj.

Agjencia Kosovare e Privatizimit njofton se ky institucion kishte parashtruar kërkesën për aprovimin e Raportit Përfundimtar që rrjedhimisht lejon mbylljen e procesit të likuidimit për këtë KB, për të cilin Dhoma e Posaçme ka nxjerrë këtë Aktvendimim.

Gjithashtu bëhet e ditur se është caktuar afati prej 21 ditë për ankesa ndaj këtij aktvendimi dhe pas kalimit të këtij afati aktvendim bëhet i plotfuqishëm.

“Dhe njoftimet për përmbyllje të likuidimit për këtë subjekt AKP do t’ia dërgoj institucioneve relevante ashtu siç parashihet me Ligjin e AKP-së”, shkruan në njoftimin e AKP-së. /Insajderi.com