Policia e Kosovës ka arrestuar katër persona në Han të Elezit nën dyshimin se janë përleshur fizikisht mes vete.

Sipas raportit 24-orësh të policisë së Kosovës të dyshuarit janë dërguar në mbajtje.

“LËNDIM I RËNDË TRUPOR- Hani Elezit 24.08.2024-11:00. Janë arrestuar katër te dyshuar meshkuj kosovarë, pasi që të njëjtit janë përleshur fizikisht në mes vete. Si pasojë, viktima mashkull kosovar ka pësuar lëndime trupore dhe ka pranuar tretman mjekësor. Me vendim të prokurorit katër të dyshuarit dërgohen në mbajtje.”