Kryetari i Preshevës, Shqiprim Arifi ka publikuar disa fotografi të këshilltares së kryeministrit Kurti, Ardita Sinani dhe shefit të Agjencisë së Sigurisë Informative të Serbisë (BIA), Aleksandar Vulin, në profilin e tij në Facebook.
Arifi kërkoi që këto fotografi t’i shoh Sadri Ramabaja, derisa tha se analisti ka shpifur dhe ka bërë propagandë kundër tij.
“Tregojini këto fotografi aparatçikit të partisë në pushtet, Ramabajës, i cili shpifte paskrupullt në debatin e mbrëmshëm televiziv për të krijuar konspiracione bashkë me mjete e insinuata tjera propagandistike kundër meje“.
“Sa për sqarim: Në foto është Këshilltarja e Kryeministrit Kurti, Ardita Sinani me Vulinin dhe pyesni atë, se kjo foto a e bënë Sinanin tani bashkëpuntore të Vulinit, meqë paska vizituar së bashku me Vulinin një manifestim lokal në Preshevë“, ka shkruar Arifi.