Prokuroria Speciale e Kosovës dje ka njoftuar opinionin publik se edhe sot do ta intervistojë Ministren e Drejtësisë, Albulena Haxhiu, me autorizim të Prokurorisë Speciale, shkruan Insajderi.

Intervistimi ka për qëllim sqarimin e deklaratës së saj të dhënë në mediumin TV Dukagjini, në emisionin “Debat Plus” më 2 korrik 2024, lidhur me takimet dhe diskutimet e mundshme me prokurorë dhe gjyqtarë për raste të caktuara, si dhe postimin e saj në rrjetin social Facebook të datës 20 korrik 2024, lidhur me arratisjet që kanë ndodhur nga burgjet e Kosovës.