Kryeprokurori i Prokurorisë Themelore në Ferizaj, Shukri Jashari, ka kallëzura dyshimet mbi të cilat janë arrestuar tre persona në aksionin e sotëm, të njohur si Brevovica.

“Bedri Halimi, Kryeinspektor i Ministrisë së Mjedisit, Planifikimit Hapësinor dhe Infrastrukturës, është ndaluar për shkak të dyshimit të bazuar se e ka kryer veprën penale keqpërdorim i pozitës zyrtare apo autoritetit zyrtar. Arben Çitaku, ish-sekretari i Ministrisë së Mjedisit, Planifikimit Hapësinor për shkak të dyshimit se ai ka kryer keqpërdorim të pozitës zyrtare dhe marrje të ryshfetit“, ka thënë Jasahri në konferencën e orës pesë, shkruan Gazeta Insajderi.

Ai tutje ka tregaur se në këtë aksion është ndaluar për 48 orë edhe një biznesmen, pa ja zbuluar identitetin e tij.

“Gjithashtu në këtë aksion me vendim të Prokurorit është ndaluar edhe një qytetar, resketivisht një investitor i një lagjeje në Brezovicë, nën dyshimin se ka kryer veprën penale ushtrim i ndikimit dhe marrje e ryshfetit”, tha tutje Jashari, shkruan Gazeta Insajderi.

Nërkohë pesë persona të tjerë janë duke u kërkuar nga Policia, po për këtë rast.

Lajmin e ka bërë të ditur zyrtari policor, Agron Haziri tha se në aksionin e sotëm u arrestuan 4 persona. Njëri prej tyre tha se është liruar, ndërsa tha se janë në kërkim edhe të 5 personave tjerë.

“Operacioni ka rezultuar me 4 persona të arrestuar. Një person i dyshuar është liruar në procedurë të rregullt. 3 persona të tjerë janë ndaluar për 48 orë me vendim të prokurorit dhe 5 persona janë në kërkim policor”, tha Haziri, shkruan Gazeta Insajderi.

Lexo edhe: