Prokuroria Themelore e Pejës, sot e ka arrestuar një person për mashtrim, shkruan Insajderi. Insajderi rapotori se personi i arrestuar është Gazmend Zeka.
Insajderi sipas burimeve mëson se Zeka dyshohet se iu merr të holla njerëzve kinse për të aplikuar për subvencione bujqësore, duke u paraqitur si punëtor i komunës.
Lidhur me rastin për Insajderin janë deklaruar nga Prokuroria,
“Personi i dyshuar është ndaluar me urdhër të prokurorit të shtetit për 48 orë. Gjatë kësaj periudhe do të behen hapat e tjerë per sigurimin e prezencës se rij ne procedure”, ka thëne për Insajderin Shkodran Nikci, zëdhënësi i Prokurorisë së Pejës.
Jo vetëm, Zeka është një person i njohur për organet e ligjit. Insajderi merr vesh se ai ka edhe vendime gjyqësore dhe aktakuza tjera të ngritura për mashtrim.
Insajderi sjell foto nga momenti, ku i dyshuari shihet duke i marr të holla viktimës.
Materialet e publikuara nuk mund të kopjohen ose përdoren pa lejen paraprake të redaksisë së Insajderit.
© 2016-2025 Gazeta Online Insajderi - Të gjitha të drejtat e rezervuara.
