Mbrëmë është raportuar se është arrestuar reperi Noizy së bashku me DJ-in e tij, Bahtjar Bajraktari.

Në bazë të këtyre raportimeve, ai është arrestuar në Shengjin të Shqipërisë.

Ndërsa zëdhënësi i Prokurorisë Themelore në Pejë, Shkodran Nikçi, tha sot për Gazetën Insajderi se do të kërkojnë që të dyshuarit të sjellën në Kosovë.

“Prokuroria Themelore në Peje, do veproj sipas dispozitave ligjore në fuqi për sigurimin e prezencës se të pandehurve në procedure penale”, tha ai.

Sipas informacioneve, urdhërarresti i Policisë së Kosovës është zbatuar nga FAST Albania.

Policia e Kosovës ka kërkuar bashkëpunim me qytetarët edhe për kapjen e Arkimed Lushajt, të njohur me nofkën Stresi, pas incidentit në një diskotekë në Pejë.